Z Baršća/Forst. Za tym až dlejšy cas jo jano online wobradował, jo Wuběrk za serbske nastupnosći wokrejsa Sprjewja Nysa srjodu tyźeń se zas w prezencnej formje we wokrejsnem domje zmakał. Kerstin Schulzowa, wjednica fachowego wobłuka źiśi, młoźina a familija, jo informěrowała wó aktualnej situaciji we źiśownjach wokrejsa. Wjeliki problem jo we zwisku z pandemiju ten felujucy kontakt źiśownjow k starjejšym. Su diskutěrowali, kak mógał se ten kontakt w takich casach zasej pólěpšyś.