Z Města/Cottbus. Tuchylu a hyšći až do 11. julija móžo se woglědaś wustajeńca w ramiku tśikrajowego wuměłskego projekta „WOBRAZE KRAJINY. Pśechod 03“ we rumnosćach Serbskego muzeja w Měsće a w Galeriji Bramborska. Dogromady 26 nacasnych wuměłcowkow a wuměłcow ze Słowjeńskeje, Awstriskeje a Nimskeje jo k tomu projektoju pśinosowało, mjazy nimi su styri twórjece wuměłcowki a wuměłce z Łužyce. Nejmłodša z nich jo Hella Stoleccyc (www.instagram.com/hellastoletzki) – absolwentka Dolnoserbskego gymnaziuma, a wóna studěrujo wót lěta 2015 mólaŕstwo a grafiku na Wušej šuli za grafiku a knigłowe wuměłstwo Lipsk, tuchylu gótujo wukrajne lěto we Wienje.