Halina Barań pśiźo z pólskeje Górneje Łužyce, z města Bogatynia, a jo awtorka romanow wó Serbach. Pśed pór mjasecami su wujšli jeje nowe knigły „Ptaki ojczystych wzgórz“ (Ptaški domacnych górow), kótarychž tšojenje grajo teke w Chóśebuzu. Justyna Michniuk jo se rozgranjała z njeju.

Kaki wuznam ma Łužyca za Was?

Ja som lubowaŕka Łužyce. Som se naroźiła, źož su se pśed lětstotkami hyšći sedlili Serby. W mójom měsće a teke we wokolinje jo wjele slědow Słowjanow, Nimce pak njejsu pisali wó tom. Tencas su napisali w chronice, až wóni su how pjerwjej žywe byli, ale to njejo pšawje, dokulaž how su nejpjerwjej bydlili Serby.

Cogodla njejo se nichten drugi zaběrał z tym w pólskej literaturje?