Srjodu, 11. maja 2016, zeger 18.00, buźo pśichodne Serbske blido wót Serbskego muzeja w Chóśebuzu, ale glědajśo, zarědowanje jo pśechodnje w Měsćańskem muzeju na Dwórnišćowej droze.

Rozgrono stoj pód motom: Jo rewitalizacija serbšćiny w šuli a źiśowni móžna? – z nazgónjenjow ceptarja na zakładnej šuli Bórkowy a jadneje maśerje a žurnalistki z Chóśebuza. Gósća buźotej Katarzyna Fidekowa a dr. Jakub Sokoł. Wobej póchadatej z Pólskeje.

Dr. Jakub Sokoł jo studěrował na Jagellionskej uniwersiśe w Krakowje politologiju a stawizny. Wob cas studiuma jo był jadno lěto w Lipsku ako stipendiat Załožby za serbski lud a jo studěrował Dolnoserbšćinu. Pótom jo promowěrował na temu „Politiske statkowanje Serbow pó lěśe 1989“. Wón jo zgónił, až trjebaju w Dolnej Łužycy wucabniki a tak jo se procował wó źěłowe městno a jo ako wótnabocnik dostał źěło ako ceptaŕ dolnoserbšćiny w zakładnej šuli w Bórkowach.