Z Pótsdupima/Potsdam. Slědny tyźeń jo wobradował „Wósebny wuběrk strukturneje změny we Łužycy“ (Sonderausschuss Strukturentwicklung in der Lausitz), kenž pśisłuša Bramborskemu krajnemu sejmoju. Wón dej temy a fachowe pšašanja strukturnego wuwiśa we Łužycy gromadu wjasć. We wuběrku jo jadnasćo cłonkow, ze wšych frakcijow. Ako zastupowaŕ Serbskeje rady jo był pódla Dieter Freihoff. Na dnjownem pórěźe jo stojało staw zwopšawdnjenja tych 17 projektow dla wuwiśe łužyskich strukturow, kenž IMAG jo w měrcu wobwěsćiła (IMAG jo Mjazyministerielna źěłowa kupka, Interministerielle Arbeitsgruppe). Ten proces wóźi GmbH „Góspodarski region Łužyca“.