Z Janšojc/Jänschwalde. Pó dańskich łukach se kšasnje kólasujo. To praktiske jo: Swóju turu móžoš zachopiś pśi janšojskem dwórnišću. Jaden móžo se wobrośiś do dweju směrowu: Pak do směra Turjeja. Tam móžo jaden skóro nalěwo wótbocyś na śańku drogu. Ta droga wjeźo pó grobli, pśi łukach na Frisofu. Tam ma firma NagolaRe swójo sedło. Gdyž jěźoš dalej narowno wen, pśiźoš pśez krajinu, w kótarejž se wótměnjaju gólki a pastwy z krowami, až na Blücherowy forwark. Tam njejo wjele wiźeś, a jaden móžo dalej pó tej droze do Picnja. Tam pśiźoš wen pśi znatem grichiskem restawrantu. To jo dogromady źaseś kilomejtari. Lěc tam buźo swětki něco krydnuś? To njejo hyšći znate. Chtož wótbocyjo za Frisofu do pšawego směra, ten se wudajo na Gólicu, do Turjeja.