Jolic njebuźo wjedro k swětkam tak dobre za wulět abo jolic Wam jadnorje se co chłošćonki, mamy how tip, co móžośo wupjac. Recept za marmeladowe bulawki jo lažki, njezawinujo wjeliku procu. Tšošku šykownosći jo pak jano notne, aby wuslědk na kóńcu wósebnje rědnje wuglědał. Ale teke mjenjej „elegantne“ bulawki budu derje słoźiś kuždemu, kenž ma rad droždźejowe pjacywa.

To trjebaśo:

150 mililitrow mloka

poł kusa fryšnych droždźejow

200 gramow cukora

600 gramow pšenicneje muki

tšošku soli

dwě jaji

něźi 100 mililitrow žyconeje konfitury abo marmelady

150 gramow butry

Gaž cośo cukorowe pólewanje:

jadna citrona

100 gramow pudrowego cukora

Tak se to pśigótujo:

1) Wogrějśo mloko tak, až buźo glěwke. Rozdrobśo droždźeje do šklě a dajśo jim ze łžycu cukora se rozpušćiś w glěwkem mloce. Wóstajśo tu šklu pókšytu źaseś minutow stojecu.

2) Mjaztym změšajśo w drugej škli zbytny cukor, muku, sol a butru (tu dejśo rozdrobiś). Pón pśidajśo mloko z droždźejami a teke jaji. Wšykno z rukoma měsyś, až nastanjo gładke śěsto.