Wjele swětkownych nałogow su Serby zgubili, a wjele kśesćijańskego jo se pśeměniło. Źož su w Bramborskem Casniku 05/1916 pisali wót znatych a rědnych misiońskich swěźenjow k swětkam w Bórkowach, tam źinsa lěbda něcht wě, co misiońske swěźenje zewšym su. W starych serbskich casnikach stoj teke cesto něco wó wójnje. Ta bóžko njejo pśišła „z mody“, to tuchylu zgónijomy z Israelskeje. Toś stoje how słowa ze Serbskego Casnika wót 2. junija 1927 ku temje. „Něco k hobmysleńu na swětki“: