Zajmne serbske blido jo dožywiło tych dwanasćo wobźělnikow a wobźělnicow njeźelu wjacor w digitalnej rumnosći. Fabian Kaulfürst, rěcywědnik w Serbskem instituśe w Chóśebuzu, jo w input-referaśe powědał wó dialektalnych zjawach w dolnoserbskej rěcy. Pśi tom jo wósebnje wuzwignuł nadregionalne dialektalne charakteristiki w dolnoserbšćinje, kenž teke źinsa hyšći pśinosuju k słowjańskosći našeje rěcy. W głownem su to tśi znamjenja.