Dnja 02.05.21 jo se zmakało źaseś wobźělnikow za Serbskim blidom, aby diskutěrowali wó tom, lěc dejała se licba serbskorěcnych luźi licyś. Input-źěl wjacora jo pśigótował Maks Bagańc, pó kótaremž jo malsnje nastała žywa diskusija. Wobźělniki a wobźělnice su se pak wobjadne byli, až pśewažyju argumenty pśeśiwo licenju. Jo to na pśikład tšachota, až zwěžu se mjeńšynowe pšawa z wěstymi licbami. To by mógało tak wuglědaś, až muse wejsańske tofle akle pón dwójorěcne byś, gaž wuznajo se wěsty późěl wobydlarjow ako Serby. To pak by wóznamjeniło zešpatnjenje situacije w pśirownowanju k aktuelnemu stawoju, źož płaśe wšykne pšawa w cełem serbskem sedleńskem rumje njewótwisnje wót licbow. Za licenje by na drugem boku to powědało, až maju licby wužytk za rěcne planowanje a za ewaluaciju rewitalizěrowańskich napšawow. Powšyknje chowaju statistiske napšašowanja we se móžnosći manipulacije.