Nalětny nałog stajanja majskego boma jo wjelgin woblubowany. Pśisamem we kuždej serbskej jsy jaden stoj. Wótergi samo wěcej, maju ga na pśikład w Małem Limbarku swójski bom. Teke te wejsne źěle města Chóśebuz maju swójske majske bomy. Sobotu jo mógało se staś, až na jadnej droze sy musał wustaś, dokulaž z karu su jaden 20 mejtarjow dłymoki štom prěki abo pó droze transportěrowali. Teke trjekarje, połne z brjazowymi gałuzami a štomkami, su byli ducy.
Problemy su měli lětosa w někotarych jsach, źož su dostali dłujke listy z pokazkami wót Berufsgenossenschaft dla stajanja majskego boma.