Lube źiśi,
sobota jo prědny maj. Noc do prědnego maja jo wósebna noc. Jej se groni „hołpargi“. W Slěpem zapaliju we tej nocy wogeń. Wognjoju gronje „chódotypalenje“. Pšawa chódota tam pak njepali! W Górnej Łužycy to teke cynje. Hołpargi nocy zmakaju se chódoty, na pśikład na górje „Brocken“ w Smolinach (Harz). Jo to bajka? To se myslim! Chódoty słušaju do bajkow. Na pśikład znajomy chódotu w bajce „Hansko a Grejtka“.