Z Pragi/Prag. Srjejź apryla jo wujšło prědne lětosne wudaśe casopisa „Česko-Lužický Věstník“ (CLV) za januar a februar. To cysło, wudane wót „Towaristwa pśijaśelow Serbow“ (česki: „Společnost přátel Lužice“), wopśimjejo zasej wšake česke a górnoserbske pśinoski.
Na bokoma dopomnjejo na pśikład Jurij Łušćański na wuměłcowku Hanku Krawcec (1901–1990). Wóna źowka serbskego komponista Bjarnata Krawca (1861–1948) jo naceriła lipowy symbol Domowiny, kenž jo zwězk 1949 pśewzeł.