Krotki film „Sorbenkind“ jo wujšeł 8. apryla, za nim stoj lipšćańska režiserka Patricia Kawbowa (Kaube). Jadnanje se wuwija w Górnej Łužycy a slědujo protagonistoju Daniel Perales (Juan David Mendez). Wón póchada z drugego kraja, jomu pśiźo śěžko se pśiměriś pówołańskemu žywjenjeju. Dla konfliktow ze šefami njenamakajo stawne źěło, což wjeźo do eklata na zachopjeńku tšojenja: Jogo pśedstajony w źěłaŕni (Olaf Hais) jogo wuchyśijo, a Perales wukšadnjo jogo firmowe awto. W serbskem Wotrowje (Ostro) pśewzejo pón ilegalnje rucnikaŕski nadawk na dwórje Serbowki (Gabriela Korch). Pśez nju wopóznajo Perales serbsku kulturu a namakajo nowy pśistup k towarišnosći.