Zeger 15.00 wustupijo balet Serbskego ludowego ansambla z rejowarskim programom za źiśi a dorosćone. To jo zachopk za swětowy źeń reje w Piccolo-źiwadle. Pód moto „Małe rejowarske stawizny“ pokažo małym a wjelikim pśiglědarjam krotki doglěd do historije reje a prezentěrujo wšake rejowańske formy a stile. Pśedstajiju se dwórjańska kšacata reja a barokowy menuet, klasiske reje, pódpoł-dnjowoamerikańske reje až k rock’n roll, hiphop abo breakdance. Gósći mógu dožywiś temperamentnu rejowańsku góźinu połnu górucych rytmusow, ku kótarymž raźi sami teke rejowaś mógu.

Wót zeger 16.00 słuša jawišćo źiśam. Na naměstnje pśed źiwadłom pokažu rejowańske kupki, kótarež w Piccolo-źiwadle treněruju, co wóni wšykno mógu.