Z Pragi/Prag. Ku góźbje lětosneju dweju jubilejowu zběrarja wuměłstwa Jiřija Karaseka ze Lvovic (24. januar 1871 – 5. měrc 1951) – wót 150 lět jogo narodninow a wót smjerśi 70 lět – jo „Památník národního písemnictví“ („Pomnik narodnego pismojstwa“) w Praze prědny źěl jogo galerije wirtuelnje zjawnosći pśistupniło. „Pśedstajijomy reprezentatiwny wuběrk, kótaryž wopśimjejo 300 źělow wótpowědujucego charaktera jogo zběrki. Kšac pó kšacu buźomy online-zběrku wupołniś. Wóna buźo w pśichoźe tak pśedstajona, kaž jo Karasek ju pśed sto lětami w Tyršovym domje prezentěrował“, groni Zdeněk Freisleben, wjednik Památník národního písemnictví.