Dešno/Dissen. Pó slědnej serbskej namšy, njeźelu, 8. apryl, jo se tužna njegluka stała. Jadna starša namšarka jo z cerkwje pśez wejsnu drogu gnała. Rowno we tom wokognuśu jo kopica kólasarjow we skoku pó droze wót Grabowa pśileśeła. Wóni su se rowno wuběgowali, a jaden abo dwa kólasarja stej do teje bogeje žeńskeje starcyłej. Wóna jo se pśewjergnuła a tak njeglucnje padnuła, až jo sebje nogu wuwrośiła a tśi knoški we spódnej noze złamała. Ako te słowa pišomy, lažy wóna hyšći w chórowni, jeje žywjenje pak njejo we tšachu.