Z Apenrade/Affenråe/Åbenrå. W Dańskej wuknu nimšćinu, w šulach nimskeje mjeńšyny ako „Deutsches Gymnasium für Nordschleswig“, a we wšednych šulach. Nimšćinu su wucyli ako obligatorisku prědnu modernu cuzu rěc do Drugeje swětoweje wójny, pó tej wójnje jo była obligatoriska druga cuza rěc. Wót lěta 1990 jo nimšćina tśeśa cuza rěc a wukniki mógu se wuzwóliś, lěc kśě ju wuknuś. Atraktiwnosć facha wóteběra. Za ceły swět drje jo engelska rěc nejžwažnjejša. Něnto jo ceptaŕka Tenna Baye na portalu folkeskolen.dk pšašała, lěc doba nimskeje wucby jo zewšym mimo. Za nju jo ten fach relikt ze zachadnosći. Wótegrono jo źěl serije wó ludowej šuli we tom kraju, kótaryž pśewjedu wót decembra na portalu folkeskolen.dk.