Z digitalnego ruma/Internet. Stwórtk tyźeń wjacor jo janšojski Akciski zwězk pśeśiwo spalaŕni wótpadankow zarědował informaciski wjacor ako online-pśednosk. Ako referenta su pśepšosyli prof. dr. Christiana Jooßa, kenž jo wědomnostnik na Instituśe za materialowu fyziku w Göttingenu a teke aktiwny za Wobswětowe źěłaŕnistwo. Južo wótere akcije pśeśiwo spalaŕni wótpadankow (MVA) w Nimskej jo wón pódpěrował. Tak něnto tek pódpěrujo procowanja pśeśiwo MVA blisko Janšojc, kótaregož źěłowy start jo za 2024 planowany.