Z Hochoze/Drachhausen. Za namórnika jo normalnje, až jo mjasece dłujko pšec wót familije. Wósebnje „crew“ na lodingowych łoźach (Frachtschiffen) jo tomu pśiwucona. Sobuźěłaśerje na jězdźenju pó mórju (Kreuzfahrt) pak maju kšute źěłowe struktury. Jim jo zapšawym pśecej jasne, w kakich tyźenjach su na mórju a gdy su doma. To pak njejo wěcej spušćobne w pandemiji.
To płaśi teke za Lotric Wolfgang z Hochoze. Z nim ma „Nowy Casnik“ pšawidłowny kontakt, južo lěta dłujko. Za njogo su slědne mjasece byli cełe hynac nježlic pjerwjejšny cas ako namóŕnik. We tych dnjach wrośi se „Lotti“, tak se jomu groni doma a na mórju, pó dlejšem casu zasej domoj. Georg Zielonkowski jo se z nim rozgranjał.
Lotti, sy južo był tak dłujko na mórju ak łoźownik na AIDAdiva?