Wót 15. do 18. apryla jo było 24 młodostnych Dolnoserbskego źiśecego a młodostnego ansambla z. t. w Engelskej.Tam su měli tśi wustupy a su pśišli do kontakty z tamnymi chorami.
Pětk su byli nejpjerwjej w Cambridge. Su měli wjeźenje w nimskej rěcy a su se woglědali tamny college. To jo było wjelgin zajmne, dokulaž ta wašnja wuknjenja tam hynakša jo. Tak jo Casnikoju wulicował wjednik ansambla Karl Fisher. Pódla njogo su byli sobu wjednik chora Gerald Schön, rejowarska pedagogowka Karina Karowa, muzikarka Natalja Kovalchukojc a starjejše. Te wukniki su wšykne bydlili pla familijow.