Z Budyšyna/Bautzen. Pětk wjacor, dnja 12. měrca, jo pśewjadło Zwězkowe pśedsedaŕstwo Domowiny dalšne kombi-pósejźenje. Źělnje w budyšyńskem Serbskem domje, ale głownje pśez wideo (respektiwnje livestream) su cłonki wuraźowali.

Jan Budar, direktor Załožby za serbski lud, jo wujasnił aktualny staw planowanjow za „Serbski forum wědy“ pśi Lawskich hrjebjach (Lauengraben) w centrumje Budyšyna. Źinsa jo to hyšći źěl parkowanišća mjazy Lawskeju hrjebju a Hošic hasu (Goschwitzstraße), dej to městno mjazy drugimi Serbski institut a Serbski muzej sedło měś. Wušej togo jo tam wósebne pedagogiske póbitowanje planowane, tak ako – perspektiwiski – serbski centrum za digitalizaciju. Pśedsedaŕ Domowiny, Dawid Statnik, wócakajo, až taki projekt wobogaśijo to cełe město. Na zakłaźe financěrowanja pśez zwězk Nimskeje a lichotny stat Sakskeje, dej se wótwóriś forum w juniju lěta 2027.