Z Hochoze/Drachhausen. Pó małem zakomuźenim jo se chopił sobotu, 27. februara, zapustowy livestream z Hochoze. Na zachopjeńku digitalnego swěźenja su pokazali wobraze a wideo zachadnych zapustow, to z typiskeju dujaŕskeju muziku. Prědnemu partoju jo slědowało póstrowne słowo Marcusa Końcarja. Wón jo se wuźěkował organizatoroma hochoskeje młoźiny, kótarejž stej Tobias Unger a Christian Ulbricht. Teke technikaŕ*kam a młoźinje jo wón se wuźěkował, ako su se wobźělili z wobrazami a wideo. Nagromadu jo 17 młodych było wiźeś we wideo, kenž jo Końcaŕ pomjenił ako „Super-Zapust“.