Zgórjelske biskupstwo a Ewangelski wokrejs šlazyńska Górna Łužyca stej zachopiłej ekumenisku listowu akciju: „W casu, źož dny bywaju jadnake a monotone, se wjele luźam styska za zmysłom a strukturu. Togodla ma spótny cas, tych 40 dnjow do jatš, wjeliki wuznam, lěcrownož musymy wjelgin tšadaś w casu korony“, pišu iniciatory. Andreas Kirschke jo powědał z fararjom Albrechtom Bönischom (Ewangelska kśicna wósada w Zgorjelca). Wón słuša k inciatoram akcije.

Faraŕ Bönisch, co cośo ze spótnymi listami dojśpiś?

Jo rědnje, listy dostaś, wósobinske póstrowjenja a myslicki. Te naše myslicki pśinjasu wubrane wobraze, słowa z biblije a impulse do listowego kašćika. Wóni su póstarcenje, aby mógał raz wob źeń śichy stojaś a inspirěrowaś k bjatowanjeju.

Kak jo ideja nastała?