Z wokrejsa Sprjewja-Nysa/Landreis SPN. W Gołkojcach dej nastaś cełkowna šula z gymnazialnym wušym schójźeńkom. Wokrejs a gołkojska gmejna se za to zajmujotej, kake pśedstajenja maju luźe nastupajucy tu šulu. Tak su mógli wobydlarje a wobydlaŕki wót kóńca 2019 do srjejźi 2020 se wobźěliś na online-napšašowanju pśez portal „MaerkerPlus“. Wót slědnego tyźenja pśedlaže wuslědki.