Z Barlinja/Berlin. Zwězkowe ministaŕstwo za wobswět, šćit pśirody a nuklearnu wěstosć (BMU) tuchylu wuźěła Narodnu wódowu strategiju za Nimsku. Tak kśě se namakaś rozwězanja za wjelerake wupominanja, pśed kótarymiž stoj wódogóspodaŕstwo w Nimskej. Pśi tom jich teke zajmujo, kak wobydlarje a wobydlaŕki Nimskeje se pśedstajiju naš pśichodny wobchad z wódu, rowno w naglěźe slědow změny klimy, glědajucy na zawěsćenje wódowych ressourcach. Młoge, kenž su se pśipadnje wuzwólili, su w slědnych dnjach post z Barlinja dostali. Zwězkowa ministaŕka za wobswět Svenja Šulcowa (Schulze) jich pšosy na narodny wobydlaŕski dialog wó wóźe („Nationaler Bürger*innen Dialog Wasser“). Jadna taka wirtuelna wobydlaŕska źěłaŕnja se teke w Chóśebuzu, ze źiwanim na tudske lokalne problemy z wódu, zarědujo. Te źěłaŕnje we centralnych městach fokusowych regionow (mimo Chóśebuza su to teke Würzburg, Mannheim a Oldenburg) se zachopiju kóńc februara. Paralelnje k tomu se wótmějo źěłaŕnja za młoźinu, aby se teke perspektiwa pśiducych generacijow do diskusijow zapśimjeła.