Korona wukažo měr

Awtor: Georg Zielonkowski stwórtk, 28. januar 2021
Žylojska cerkwja. Foto: Georg Zielonkowski

Ze Žylowa/Sielow. Faraŕka Katharina Köhlerowa rozpósćelo kuždy tyźeń wósadnik. Ewangelske kśesćijany w Žylowje, Dešnje, Strjažowje dostanu jen ako e-mejl. W nejaktualnejšej mejlce jo wóna pokazała na wobgranicowanja wósadnego žywjenja, dla korony a zajstojnstwowych wukazow. Wósadna rada jo dejała to wšykno wobzamknuś, ze śěžkeje wutšoby. To groni: W Žylowje njamógu namšu swěśiś abo se zmakaś na zgromaźinu. W Dešnje na swój part jo slědnu njeźelu byłakrotka namša, dnja 7. februara buźo dalšna. Bibliski tyźeń muse pśestarcyś. Nowy termin budu zawcasa znaty daś. Chtož co se ceły cas informěrowaś, móžo w interneśe glědaś na www.evkirchenkreis-cottbus.de/ gemeinden/region-spreewald/dissen-ps.html. Chtož bydli we wósaźe a móžo z domu wujś, móžo glědaś na informaciske tofle pśed cerkwju. Teke tam su nowosći zgóniś.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś