Z Města/Raduša/Cottbus/Raddusch. Za źiśi w źiśownjach a kupkach Witaj-projekta jo ptaškowa swajźba prědny wjerašk w nowem lěśe. Stary serbski nałog se normalnje 25. januara swěśi, ale kužda kupka źiśi jen pó wósobinskej wašni pśewjeźo.
Srjejźišćo jo pśecej njewjesćinski pórik, w serbskem swěśe sroka (žeńska) a wron (cłowjek), wobej rědnje zdrastwjonej a w krejzu małego swajźbaŕstwa. Kšuty źěl swěźenja jo teke sroki (pjacywo w ptaškowej formje) jěsć, futrowaś ptaški, spiwaś abo źiwadło graś, což pak njejo w aktualnem casu pśecej móžno.
Starjejše a stare starjejše do zarědowanja pśepšosyś zewšym móžno wěcej njejo. Na tom boku pśedstajijomy to, což su wótkubłarje za źiśi w Dolnej Łužycy pśigótowali.