Z Kamjeneje/Steinkirchen. Něga, něga, něga: Su źowća se zmakali na pśězy. Tak jo teke było w Kamjenej, kótaraž słuša do Lubina. Něga, něga: smy swěśili zapust a hyšći łoni jo drje była pśězowa reja w Kamjenej. We prědnyma mjasecoma lěta 2021 źe njebuźo niźi reja abo zapust. Togodla pišomy 2021 jano wót rejow a zapustow w zajźonych casach, na pśikład z Kamjeneje.

Tamkor su se pjerwjej źowća na pśězu zmakali w zymskich mjasecach. Kólasa su byrcali, źowća su źěłali něco nowego za bursku drastwu abo něco za dobytki. Luštnje a towarišnostnje jo to było. Wjele nowosćow ze jsy su se wulicowali. Rozluštowali su se źowća a gólcy teke pśi pśězowej reji. To jo było kóńc pśězow. Pótom jo zasej zachopiło to źěło na rolach.