Južo dłujki cas wěmy, až financielny staw Domowniskego muzeja Dešno njejo spokojecy. Smy něnto z Nowego Casnika dnja 21.01.2021 zgónili, až gano jo se teke bramborska Rada za serbske nastupnosći z tym zaběrała. Ja wěm, až se pśigótujo na priwatnu iniciatiwu tež protestny list na bórkojskego amtskego direktora Tobiasa Hentschela. Wón wuzwignjo głosy, až dešański muzej jo wažny pósrědnik serbskeje kultury. Ale to su domowniske śpy resp. muzeje w Janšojcach, Drjowku abo Bórkowach teke. Jo wótwiźeś, až trjebaju raz wěcej pjenjez ako něnto maju.

Njejo dowiźeś, až Serbska rada pódpěrujo jano instucije, kótarež maju nadregionalny wuznam, kaž bźez cwiblowanja dešański muzej. Togodla njamógu se pśedstajiś, až ten list by Dešanarjam wjele pśijaśelow pśinjasł. Pśijaśelow pak by wóni trjebali. Mań zastupnikow drugich gmejnow bórkojskego amta měni tak a tak, až wšykne medije stoje, w nastupanju togo muzeja, njeobjektiwnje za Dešnom. Tomu tak njejo, gaž glědam na NC, ale gmejnske zastupniki ze zapustowych jsow cytaju wěsće rědko Casnik.