Z Rownego/Rohne. Ako reakciju na rozsuźenje, wót wudobywanja brunice do lěta 2038 wótstupiś a k slědnemu wusćełanjeju „Łužyce“ w rbb cu groniś: To cełe njewuglěda kradu trajne (nachhaltig). Domowina ga jo internje wěźeła, až pśisamem wšykne w Miłorazu su pódpisali, a Manfred Hermaš (CDU) jo se ako wabjeńska tofla stajił prědk Nowego Miłoraza.

Aby Elsa Marušowa mógała swóje Miłoraske Serby pśiducy raz pitśku lěpjej zastupowaś, dejała wóna wuknuś serbsku rěc powědaś. Jo, te „zelene mudrošejce“ njedeje se měšaś, ale CDU smějo na kóńcu demokratiski našu stwóŕbu znicyś. Su wóni cytali artikel 20a w Zakładnej kazni? Tam stoj: „Der Staat schützt auch in Verantwortung für die künftigen Generationen die natürlichen Lebensgrundlagen und die Tiere im Rahmen der verfassungsmäßigen Ordnung durch die Gesetzgebung und nach Maßgabe von Gesetz und Recht durch die vollziehende Gewalt und die Rechtsprechung.“ Co jo wažne w Nimskej? Romantiske serbske jsy a luźe, kenž tam bydle, drje njamaju prioritu.