Z Pódstupima/Potsdam. Bramborska Rada za Serbske nastupnosći jo se zmakało we wideokonferency 12. januara. Wobźělili su se pśedsedaŕka rady Kathrin Šwelina, zastupna pśedsedaŕka Uta Henšelowa, njeparlamentariske cłonki rady Dieter Freihoff a Delia Münchowa, župan Domowiny Wylem Janhoefer, jadnaŕ Marcus Koncaŕ, referent za kubłanje, młoźinu, sport, wědomnosć, slěźenje a kulturu Zeleneje partaje Thomas Birk, dešański šołta Fred Kaiser a druge. Głowna tema jo była rozsuźenje bórkojskego amta, Domowniski muzej we Dešnje nic dalej financěrowaś a spěchowaś (lej NC/ 01/2021). Gmejna Dešno-Strjažow ma financielnu rezerwu, weto su wudanki we wusokosći 45.000 euro, wó kótarež źo, pśemócne wobśěženje.