Gano som cytała wó slědujucem medicinskem paźe: Gólcyka su do chórownje dowjadli, dokulaž jo był wjelgin słabučki. Jogo mama se njejo wó njogo starała. Asistencny gójc jo hobglědował, až njejo kśěł gólcyk nic jěść stawnje pó tom, gaž jo měł pśespytowanje abo gaž su jomu kšej wótewzeli. Togodla jo młody duchtaŕ rozsuźił, až pśewjeźo tak mało ako móžno pśespytowanjow. A lej, gólcyk jo chapjał jěsć a jo se zmógnuł. We wjelikem gójcowskem hobradowanju su se młodego gójca za pśespytowańskimi rezultatami hopšašali a wón jo swóju strategiju pśedstajił, ale tamne gójcy z jogo póstupowanim njejsu byli hobjadne. Co se stanjo, gaž gólc zamrějo a pón budu pšašaś za pśespytowanjami a budu humjatowaś gójcam, až njejsu trěbne pśespytowanja pśewjadli. Młody gójc jo se musał pódwóliś. Wót něnta su na gólcyku wšykno pśespytowali, což jo moderna medicina dowóliła. Tola gólcyk jo zasej chamornjeł tak daloko, až su jogo pśez šlawchy zastarowali. Na wšom slědku jo gólc humrěł. Casy su byli tśi šlawchy k njomu pśiwězane ... jo myslił młody gójc wjelgin, wjelgin hobtužony.