Z Flensborga/Flensburg. Drogowanje pśez granice jo tuchylu wšuźi problematiske, wósebnje w granicnych stronach, na pśikład mjazy Nimskeju a Dańskeju. Dańske kralejstwo jo wót 9. januara 2021 pśiwóstśiło póstajenja dla korony, pišo nimske Ministaŕstwo wenkownego. Wukrajniki, kótarež njebydle stawnje w Dańskej, směju jano do kraja pśiś gaž maju wažnu pśicynu. Wóni deje negatiwny test dla korony měś, ako njedej byś staršy ako 24 štundow. Za stawnych „pendlarjow“ pśez granice płaśe wósebne regule. Kuždy dej pokazaś aktualny wupokaz. Chóre wukrajniki, ako maju symptomy infekcije, njewordowali do kraja pušćone.