Wót septembra 2019 som redaktorka Nowego Casnika – zastupujom how nachylnje Ines Neumannojc. Som 29 lět stara, z rodom Žylowaŕka a bydlim mjaztym w Chmjelowje. Dolnoserbsku rěc som nejpjerwjej na žylojskej zakładnej šuli wuknuła. Doma smy jano nimski powědali. Až serbske kórjenje mam, som akle pó smjerśi slědneje maminorěcneje Serbowki w mójej familiji – maśerje mójeje starkeje – zgóniła. Wó tom, kak jo se to serbske w mójej familiji zgubiło a wó tom, což jo někak weto hyšći wušej wóstało, jadna mój pśinosk „Wó pytanju za carnym kurjetkom – Mój serbski žylojski póchad“ w Serbskej Pratyji 2020.