Z Barlinja/Berlin. 27lětna Klara Nagelojc studěrujo na Humboldtowej uniwersiśe w Barlinju europsku etnologiju w masterskem studiumje. Srjejź decembra jo wótedała swójo masterske źěło, kótarež ma titel „Rechtliche Verfasstheiten. Konfigurationen von Staatlichkeit, Kollektivität und Territorialität in der Arbeit des Serbski Sejm“. Za swójo slěźenje jo ta młoda žeńska pśewóźowała źěło Serbskego sejma, jo na pósejźenjach se wobźěliła a sejmarjow a sejmaŕki interviewowała. Głownje jo se pśi tom koncentrěrowała na wuźěłanje statnego dogrona pśez Serbski sejm. Toś jo redaktorka Jill-Francis Ketlicojc młoge pšašanja za Klaru měła.

Pšosym pśedstajśo sebje a swój studium krotko!