Skerjej pśipadnje jo Łužycanarjam nadpadnuło, kak se źěłarniki (Gewerkschafter) w Barlinju zasajźuju za dalejwobstaśe jamow we Łužycy. Stakim su teke za znicenje jsow kaž Prožym, Wótšowaš, Grabk, Kerkojce abo Rowne.
Namakaś jo to w zešywku „Pominanja na pśichodnu krajnu politiku“ wót barlinskego Nimskego źěłarniskego zwězka (DGB). To zni tak: „Europejska metropola Barliń jo pokazana na wěste, ekologiski wurownane zastaranje z milinu za rozymnu płaśiznu. To buźo wósebnje pśez domacnu brunicu we Łužycy z wugbałymi jamami, kótarež hyšći dosegaju daloko až do togo lětstotka.“ (b. 17). Te barlińske źěłarnistwa w DGB su ten zešywk publicěrowali w januarje pśi góźbje krajnych wólbow w Barlinju (tam budu wuzwóliś Wjažu wótpósłanych).