Wjele wósadnych aktiwitow dej wupadnuś, koncerty a zmakanja wšakich krejzow se njewótměwaju. Weto: cerkwje su w korona-casu priwilegěrowane. Wóni směju kazaś na namše. To pótrjefijo wšykne cerkwje w Nimskej, nic jano kśesćijańske. Wjelike rumy maju teke źiwadła, kina, gósćeńce, sportowe zjadnośeństwa. Ale tam luźi witaś njesměju. Luźe by se wjelgin rad zmakali tež na kulturnych zarědowanjach, na sportnišćach abo na gósćinje. Wob cełe lěto su se teke namše pśiměrili korona-situaciji: mjaztym znajomy serbske online-namše, znajomy namšaŕske spiwanje a namše pód gołym njebjom. Tuchylu pak płaśe znowa wjelgin kšute pšawidła. Togodla njepśewjedu někotare wósady lětosa zewšym gódowne namše, ale jan gódowne zwónjenje. W tamnych dostanjoš pśistup k namšy jano, sy-li se do togo pśizjawił/a. Wšake fararje a faraŕki sćelu wósadnym z mejlku wósadne listy a samo prjatkowanja.