322 milionow euro kśě 2021 wudaś

We wokrejsu Sprjewja-Nysa (SPN) něnto wěźe, z wjele pjenjez mógu w lěśe 2021 góspodariś. Wokrejsny sejm ga jo na swójom lětosnem slědnem pósejźenju 9. decembra wobzamknuł etat za pśiduce lěto. Nabraś budu pśez danki, pśez pśipłaśonki wót Bramborskeje a na drugi part wokoło 313 milionow euro. Wudaś pak muse nanejmjenjej 322 milionow euro. To groni, až deje zasej napóraś dług a braś kredit we wusokosći źewjeś milionow euro. Pśidatnje trjebaju hyšći dalšny kredit wót 16 milionow euro za wažne inwesticije, mjazy drugim wokoło źaseś milionow za nowu šuli w Gołkojcach, kótaraž dej byś w lěśe 2023 dotwarjona. Ta ga njepłaśi jano 30 milionow euro, ako jo to było planowane, ale wokoło 40 milionow euro. Teke za druge wěcy musy wokrejs SPN znowa wjele pjenjez wudaś, tak na pśikład za pódpěru familijow pśidatnje styri miliony euro. Hyšći njejo jasne, wjele pśidatnych towzyntow euro buźo korona płaśiś.

Centrum za šćěpjenje w Baršću