Z Pódstupima/Potsdam. Šeste a slědne lětosne pósejźenje bramborskeje Rady za nastupnosći Serbow jo se sobotu pśez live-stream wótměło. Chórosći dla njejo Uta Henšelowa, ale Kathrin Šwjelina online-zmakanje moderěrowała.
Ako su pśibytne projekt źěłaŕnjow za strukturelne wuwijanje we Łužycy wobjadnali, jo Marcus Kóńcaŕ naraźił, wót planowanych pěś, teke źěłaŕnju ze serbskim profilom załožyś. Dieter Freihoff a Měto Nowak stej tomu pód wuměnjenim pśigłosyłej, až musy koncept takeje źěłaŕnje dosć wótwórjony byś, aby se wobinuli serbskeje sebjeizolacije w ramiku takego projekta.