Slědny tyźeń pětk su chopili wobšyrne, dlejše twarske źěła na chóśebuskem dwórnišću a wokoło njogo. To buźo w chóśebuskich stronach nejwětše twarnišćo w pśiducych lětach. Město wudajo za to wokoło 12 mio. euro, dalšne 6 mio. euro pśidu z drugich gjarncow. Nastaś dej moderny a wjeliki centrum za zeleznicu, za buse a za elektrisku. Mjazy drugim buźo se załožyś nowy tunel, kenž wjeźo k něgajšnemu błośańskemu dwórnišću.
Twariś buźo se nowe wjelike parkowanišćo pśi głownem chóśebuskem dwórnišću. Tak dłujko, ako se wón twari, mógu luźe swóje awta parkowaś mjazy drugim blisko błośańskego dwórnišća.
Jano kuždy tśeśi how wóstanjo
Mjazy tymi pśisamem towzynt wuběgańcami a azylantami, ako su tuchylu žywe w Chóśebuzu, su teke 75 źowćow a gólcow, kótarež su howko sami pśišli, mimo starjejšych. Do wšakich měsćańskich źiśecych zagrodkow chójźi 104 źowćow a gólcow z familijow wuběgańcow.