Z Města/Cottbus. Zwězk a kraje su slědny stwórtk napšawy pśeśiwo rozšyrjenju korony pódlejšyli, stakim wóstanu kina nadalej zacynjone. Togodla se njewótměju te wót 8. do 13. decembra w kinach planowane pśedstajenja w ramiku 30. Filmowego festiwala Chóśebuz. Ale dajo dobru powěsć: Wót 8. do 31. decembra buźo na filmfestivalcottbus.de streamingowe póbitowanje 150 filmow pśistupne. Dodatne informacije k filmowemu programoju se pósrědniju w rozgronach z filmarjami, kulturnikami, politikarjami a wědomnostnikami na YouTube-kanalu wót FFC youtube.com/FilmFestivalCottbus.

Skazanje tiketow jo pśez dany filmowy zapis na domacnem boce festiwala móžne. Kontingent tiketow za te online póbitowane filmy jo wobgranicowany, togodla se pórucyjo zacasne skazanje.