Ze swěta/aus der Welt. Jano hyšći apokalyptiske tšojenja wusćełaju se w medijach: demonstracije pśeśiwo kšutym napšawam korony pó cełem swěśe, biśa, mrěśe chórych, k tomu orkan w Srjejźnej Americe, wójna na Kawkazu, na etiopisko-eritrejskej granicy a zamordowanje milionow na mutěrowanej koronje natyknjonych w groznje wuskich klětkach zamknjonych nercow. W Africe zadora korona gójenju pśeśiwo drugim chórosćam ako malariji. Mjenja šćěpjenjow ako Johnson&Johnson, Astra Zeneca, Novavax, Pfiizer/BioNTech, Sputnik V, Moderna a Sinovac w doprědkaŕskej (tśeśej fazy) ze wšakich krajow kursěruju w powěsćach, pśirownuju se jich lěpšyny a njelěpšyny. Nimski strowotniski ministaŕ Jens Spahn wótcakujo móžnosć šćěpjenja južo w tom decembrje.