Z Heidelberga/Heidelberg. Z drugim lockdownom a póchmurnym nazymskim wjedrom stupa póžedanje za dalu a lušt na wótměnu wjelgin mócnje. Mjasece wobgraniconego drogowanja teke njejsu wjelika pomoc. Kompletnje bźez flair dowola pak njemusymy wujś. Se wě, wjelike wulěty do wukraja njejsu opcija a wobcas lockdowna by my dejali jano toaletoweje papjery dla pśed źurja stupiś. Ale w zbytnem casu dajo teke druge regiony a města, kótarež móžomy ze wótstawkom wuzgóniś. Tak som ja, zachopjeńk oktobera, Heidelberg ako drogowański cel wuzwóliła.

A cu facit doprědka groniś: Jo se wopšawdu wupłaśiło. Za kuždych, kótarež górjeju se za starymi twarjenjami, rědnučkeju pśirodu a górami, jo toś to město pšawe pórucenje. Tak jo mójo pśebywanje měšańca była z drogowanjow pó górach a woglědanjow měsćańskich atrakcijow.