Z Lipska/Leipzig. Se wě, až korona jo teke uniwersitny studium wjelich wobwliwowała. 2020 jo zymski semester akle kóńc oktobra zachopił. Tradicionelnje jo prědne zmakanje študańcow 15. oktobra z twarjenim góźinskego plana zachopiło. Direktor instituta profesor Edward Wornaŕ jo tam wšych studěrujucych wuwitał a jim rědne lěto žycył. Gósći ako městopśedsedaŕ Domowiny Wylem Jahnhöfer jo študańcow wuwitał a jim wjele wjasela pśi wucbje žycył. Dogromady jo źewjeś nowackow lětosa ze studiumom zachopiło: dwa za dolnoserbsku, sedym za górnoserbsku rěc, teke wótnabocniki z Górneje Łužyce. Tśo stipendiaty Załožby za serbski lud ze słowjańskich krajow budu tek serbsku rěc w Lipsku w tom lěśe studěrowaś.