Digitalizěruju zawóstajeństwo Šwjele

Awtor: pm stwórtk, 05. nowember 2020

Z Budyšyna/Bautzen. Wót 1. oktobra digitalizěrujo se w budyšyńskem Serbskem instituśe zawóstajeństwo Bogumiła Šwjele (1878–1948), žrědła z archiwa se nadrobnje wopisuju, aby se za dalšne wužywanje spśistupnili. Šwjela jo był faraŕ, rěcywědnik, publicist, spisowaśel, pśełožowaŕ a kulturny politikaŕ w Dolnej Łužycy. Połteralětny nowy projekt instituta (až do měrca 2022) financěrujo se wót Nimskeje slěźaŕskeje zgromadnosći (DFG, Deutsche Forschungsgemeinschaft) ze spěchowańskego programa „Digitalizacija a spśistupnjenje“. Dr. Annett Brězanec, projektowa zagronita a wjednica Serbskego kulturnego archiwa pśi Serbskem instituśe, měni: „Zawóstajeństwo Bogumiła Šwjele jo jaden z nejwobšyrnjejšych wobstatkow SKA. Šwjela licy ze swójeju biografiju a statkowanim k nejwažnjejšym serbskim intelektuelnym swójogo casa. Njejo drugego wobstatka, kótaryž póbitujo tak wobšyrnu dokumentaciju dolnoserbskeje rěcy, kultury wšednego dnja a procowanja wó jeje zdźaržanje a dalšne wuwijanje. Prědny raz digitalizěrujomy zawóstajeństwo teje rozměry.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś