Z Města/Cottbus. Pśedań tiketow za 30. wudaśe Filmowego festiwala Chóśebuz jo se južo slědny tyźeń startowała. Lětosa ten festiwal se dualnje wótměwa: Wót wałtory, 3. nowembra, až do stwórtka, 8. nowembra, wótmějo se program w „pšawych kinach“ w Chóśebuzu, Pśibrjogu/Eisenhüttenstadt, Barlinju, Görlitz/Zgórjelcu, Zgorzelcu a w Zielonej Górze. Dodatnje móžośo festiwal wót 3. nowembra do 21. nowembra teke w digitalnem rumje dožywiś. Z tym se prědny raz pśez webbok festiwala wěcej ako połojca programa festiwala pó cełej Nimskej k streamingoju póbitujo. Wjele tych pokazanych filmow jo nimska abo mjazynarodna premjera. Dogromady wopśimjejo jubilejny program 201 jadnotliwych filmowych pśinoskow, a namakaś móžośo ten program pód www.filmfestivalcottbus.de/festival/programm.html. Tikety dostanjośo jano online na www.festivalcottbus.de abo w tiketowych shopach Reservix, ale nic wob festiwal we kinach. Kapacity su wobgranicowane, zacasna kup se pórucyjo.