Z Budyšyna a Würzburga/Bautzen und Würzburg. Würzburgojska Uniwersita Juliusa Maximiliana a Serbski institut stej wudałej zgromadny konferencny zběrnik wó póśěgach mjazy cłowjekom a wjelkom, kótaryž jo nastał na zakłaźe konference „Encounters with Wolves: Dynamics and Features“ z lěta 2018 w juliju. Konferenca jo była płod zgromadnego źěła Serbskego instituta, katedra za etnologiju a ludowědu Würzburgojskeje Uniwersity Juliusa Maximiliana a Instituta za socialnu antropologiju a empirisku kulturnu wědomnosć uniwersity w Zürichu.

Pśinoski zgromadnego kulturno- a socialnowědomnostnego zběrnika zaběraju se ze žywjenim luźa z wjelikami a drugimi zwěrjetami w Nimskej, Pólskej, Finskej, Mongolskej a Šwicaŕskej. Kniglicki w rěźe „Mały rěd Serbskego instituta“ su wujšli z pśedsłowoma wudawaŕkowu Suzana Hozyna z Budyšyńskego Serbskego instituta a Marlies Heyerowa z würzburgojskeje uniwersity. Zběrnik móžośo dostaś pód: https://www.serbski-institut.de/mat/dnlarchiv/Kleine_Reihe_32_web.pdf ako pdf-dataju.