Stara „Wjaže wótpósłańcow (reichstag)“ w Barlinju jo wót 1999 zas sedło nimskego parlamenta a jaden symbol zjadnośoneje Nimskeje. 
Wót 3. oktobra 1990 njeeksistěrujo wěcej DDR, kraj jo pśistupił Zwězkowej republice. Wót togo lěta jo se wjele změniło w něgajšnej DDR. Teke we Łužycy jo wšo kradu hynac wordowało: Daś jo w Domowinje, daś jo w cełem kubłańskem swěśe. Smy dostali Rěcny centrum WITAJ, Źěłanišćo za serbske kubłańske wuwijanje Chóśebuz, Załožbu za Serbski lud, Serbskej raźe a serbske kazni. Jo se pokazało, až se w lichej towaristwje nowe iniciatiwy stwórje, ako towaristwo Ponašemu, partaja Łužyska alianca a Serbski sejm. Skerjej problematiski jo, až wjele luźi jo spušćiło naše strony wót togo lěta. Mamy wót togo casa zasej hynakše zastojnstwowe a politiske struktury. Wót togo cytajśo w pśiducych wudaśach Casnika. Sćo wutšobnje witane, swój wid a nazgónjenja w zjadnośonej Nimskej napisaś.
Lichota ako nejwětšy póstup pśewrotaPśi góźbje 30. wrośenice zjadnośoneje Nimskeje jo Dawid Statnik, pśedsedaŕ Domowiny, gronił:
