Z Janšojc/Jänschwalde. W lěśe 2008 jo se kupił Serbsko-nimski domowniski muzej w Janšojcach stare, burske staśiwy. Njejo dokumentěrowane, wót kogo toś te staśiwy póchadaju, ale wujźo se z togo, až su wóni wóttud, z Janšojc. Lěta dłujko su felowali spěchowańske srědki, aby te staśiwy restawrěrowali. Ale łoni, wokoło jatš, su se zachopili wobnowjeńske źěła na nich – a to wót cesnoamtskeju pomocnikowu! Jo wjelika gluka za muzej, až Niewidokojc Ursula a Rüdiger z Picnja stej se namakałej a stej tu drogostku połnej zapalonosći zas wótžywjełej!